Nuk i prek pandemia, fitimet e transferuara jashtë arrijnë vlerën më të lartë në 13 vjet

16/06/2021 - 07:42

Bizneset e huaja transferuan më shumë fitime jashtë në tremujorin e parë të vitit.

Sipas statistikave të Bankës së Shqipërisë, flukset dalëse në të ardhurat nga investimet kishin vlerën e 141 milionë eurove, në rritje me 15.6% krahasuar me të njëjtën periudhë të një viti më parë. Kjo është vlera më e lartë e fitimeve të transferuara jashtë për këtë periudhë të vitit në 13 vitet e fundit.

Kjo tendencë nuk është krejt e re, po të kemi parasysh se në dy vitet e fundit, transferimi i fitimeve jashtë vendit ka pasur vlera relativisht të larta. Për vitin 2020, fitimet e transferuara jashtë shënuan një rënie me 5.1%, por kjo ishte sërish vlera e dytë më e lartë në 12 vitet e fundit.

Pas goditjes së fortë të pandemisë në ekonomi, ishte e pritshme që shumë biznese të pezullonin shpërndarjen e dividendëve, për të forcuar kapitalizimin e kompanive.

Për kompanitë që veprojnë në tregje të rregulluara, si bankat apo kompanitë e sigurimeve, shpërndarja e fitimeve u pezullua përkohësisht përmes vendimeve të autoriteteve rregullatore. Por, këtë vit ndalimi për të shpërndarë fitimet në sektorin bankar u kufizua vetëm për vitin 2020, duke i hapur rrugë ndarjes së dividendëve nga fitimet e viteve të mëparshme.

Një vendim të ngjashëm mori edhe Autoriteti i Mbikëqyrjes Financiare, megjithëse në këtë treg prania e investitorëve të huaj është pak më e ulët.

Vlera relativisht e lartë e fitimeve të transferuara tregon se efekti i krizës në këtë drejtim nuk ka qenë shumë i madh. Nga ana tjetër, rritja e investimeve të huaja direkte, sidomos pas vitit 2014, përbën në vetvete një premisë që dalja e fitimeve jashtë vendit të rritet, me qëllim marrjen mbrapsht të investimeve të kryera.

Megjithatë, fitimet e transferuara jashtë vendit nuk përfshijnë vetëm të ardhurat nga biznesi, por edhe ato nga investimet e portofolit, ndaj një ndikim ka pasur është edhe rritja e borxhit të jashtëm në vitet e fundit, sidomos nga qeveria shqiptare. Sipas të dhënave nga Ministria e Financave, për tremujorin I qeveria shqiptare shpenzoi 2.2 miliardë lekë ose pothuajse 18 milionë euro për interesat e borxhit të jashtëm. Kjo shumë është afërsisht sa 13% e flukseve dalëse në zërin e të ardhurave nga investimet.

Në kahun e kundërt, flukset hyrëse të të ardhurave nga investimet për tremujorin u rritën lehtë në 22 milionë euro, 22% më shumë krahasuar me të njëjtën periudhë të një viti më parë. Bilanci neto i të ardhurave nga investimet ishte negativ në vlerën e 119 milionë eurove. Deficiti në këtë zë u rrit me 14% krahasuar me një vit më parë. Si një vend pritës i investimeve të huaja direkte, Shqipëria ka historikisht një bilanc negativ në të ardhurat nga investimet. /Monitor

/portali DurresLajm/

Na bëni like në facebook!: 

Lajme nga e njëjta kategori

Gjatë një konference, Guvernatori i Bankës së Shqipërisë, Gent Sjeko, thotë se gjatë muajit prill dhe maj të këtij viti inflacioni pësoi

Ndryshimet emergjente në buxhetin e shtetit 2021 që qeveria i bëri me akt normativ, në thyerje të Ligjit Organik të Buxhetit, shkurtojnë

Procesi i fiskalizimit synon vërtetimin e transaksioneve nëpërmjet lëshimit të faturave elektronike sipas sistemit të ri.

Nga 1 korriku ka nisur faza e dytë e procesit të fiskalizimit, për transaksionet pa para në dorë ndërmjet tatimpaguesve, ku pritet të për

Depozitat e reja në euro në sektorin bankar janë në nivelin më të lartë të të paktën gjashtë viteve të fundit.

Konsumi i popullatës shfaqi dobësi në tremujorin e parë të vitit 2021 edhe pse vendi po kalonte valën e dytë të pandemisë, pa masa kufizu

INSTAT ka publikuar të dhënat e tremujorit të parë të 2021-shit, ku ekonomia është rritur me 5.5% në krahasim me një vit më parë, ku vend

U bënë shumë vite që flitet për nivelin e lartë të informalitetit në vendin tonë.

Qeveria shqiptare mori një vendim të befasishëm në shkelje të rregullave fiskale dhe Ligjit Organik të Buxhetit, duke e zgjeruar deficiti

Kriza e shkaktuar nga shpërthimi dhe përhapja Covid-19 rrënoi një pjesë të madhe të ekonomisë në Ballkanin Perëndimor më 2020.