Clark: Kosova ka bërë përparim mbresëlënës drejt demokracisë

07/07/2021 - 11:49

Gjenerali i pensionuar amerikan, Wesley Clark, tha se Kosova ka bërë “përparim mbresëlënës drejt demokracisë dhe lirisë”.

Clark po qëndron të mërkurën në Prishtinë, ku u prit me ceremoni shtetërore në Ministrinë e Mbrojtjes të Kosovës.

Ai ka qenë komandant i përgjithshëm i forcave evropiane të NATO-s, në kohën e ndërhyrjes në Republikën Federale të Jugosllavisë, në vitin 1999, me qëllim ndaljen e dhunës në Kosovë.

“Jam i nderuar të jem këtu, jam i lumtur të rikthehem në Kosovë, kjo është mundësia e parë që kam pasur për ta vizituar këtë ministri. Jam i impresionuar. Gjatë viteve kam parë përparimin e Kosovës, është një marsh mbresëlënës drejt demokracisë dhe lirisë dhe shpresoj edhe për rritjen e prosperitetit ekonomik për popullin e Kosovës”, tha gjenerali Clark.

Ministri i Mbrojtjes i Kosovës, Armend Mehaj, e quajti hero gjeneralin Clark dhe tha se për kontributin që ai ka dhënë për çlirimin e Kosovës, ka vendosur që Qendra e Studimeve Universitare e Forcës së Sigurisë së Kosovës të mbajë emrin Wesley Clark.

“Gjenerali Clark ka rolin kyç dhe vendimtar në çlirimin e Kosovës dhe lirinë tonë, lirinë e Kosovës”, tha Mehaj.

Ai tha se e ka informuar gjeneralin Clark për të arriturat e Forcës së Sigurisë së Kosovës, por edhe për synimin e Kosovës në fushën e sigurisë, që, sipas tij, është integrimi në NATO dhe “dërgimi jashtë vendit (i ushtarëve) në mbrojtje të paqes dhe sigurisë në botë”.

Clark, gjatë ditës, pritet të takohet edhe me zyrtarë të tjerë të lartë qeveritarë. /REL

/portali DurresLajm/

Na bëni like në facebook!: 

Lajme nga e njëjta kategori

Ministria e Shëndetësisë në Kosovë ka publikuar shifrat e 24 orët e fundit përsa i përket situatës së COVID-19 atje.

Presidenti i Serbisë, Aleksandar Vuçiç, tha se ka qenë e pritshme që Kuvendi i Kosovës të miratojë rezolutën që dënon gjenocidin në Srebr

Kuvendi i Kosovës ka miratuar rezolutën për gjenocidin serb në Srebrenicë, rezolut kjo që u iniciua nga koalicioni boshnjak, Vakat.

Babai i ish-kryeparlamentarit Kadri Veseli është ndarë nga jeta mëngjesin e sotëm.

I dërguari i posaçëm i Bashkimit Evropian për bisedimet ndëmrjet Kosovës dhe Serbisë, Miroslav Lajçak, shkroi të martën se “çdo gjë në bi

Regjistrohen 10 raste të reja me koronavirus në Kosovë.

Kryeministri i Kosovës, Albin Kurti tha se Bashkimi Evropian, duhet të bëjë pjesën e saj duke mbajtur premtimet e dhëna, ndërkaq Kosova d

Ministria e Shëndetësisë së Kosovës, sipas të dhënave nga Instituti Kombëtar i Shëndetësisë Publike, ka njoftuar se nga 1 105 testime, 3

Gjykata Themelore në Prishtinë ka dënuar me dhjetë vjet burgim, ish-rezervistin e policisë serbe, Zoran Vukotiq për kryerjen e veprës pen

Dy vëllezër nga Prizreni janë rrahur me njëri-tjetrin, pas një mosmarrëveshjeje për pronën.