"Letërsia dhe turizmi", një mbrëmje letrare me Helena Kadare në Muzeun Arkeologjik të Durrësit (VIDEO)

25/06/2021 - 10:08

Një mbrëmje kushtuar letërsisë dhe turizmit, ku e ftuar nderi ishte shkrimtarja e njohur Helena Kadare.

Kjo ishte ajo çfarë ofroi mbrëmja e kësaj të enjteje në Muzeun Arkeologjik të Durrësit, ku bashkëshortja e autorit të famshëm Ismail Kadare iu përgjigj pyetjeve të shkrimtarit durrsak Bashkim Hoxha, por edhe publikut në sallë duke zhvilluar një bashkëbisedim të ngrohtë e duke rrëfyer të thënat dhe të pathënat e çiftit të famshëm të letërsisë shqipe. 

Kryebashkiakja e Durrësit, Emiriana Sako pasi falenderoi Helena Kadare nënvizoi se kjo është vetëm njëra nga netët që do t’i kushtohen artit dhe turizmit në qytetin bregdetar.

Durrësi i goditur nga dy fatkeqësi natyrore, tërmeti dhe pandemia, duhet të rinisë të kthejë vëmendjen nga arti, kultura dhe letërsia dhe pikërisht për këtë fakt ai është zgjedhur këtë vit për të qenë kryeqytet i librit. 

Gjatë mbrëmjes letrare, autorja dhe përkthyesja Helena Kadare, e cila u rikthye në një takim me lexuesit durrsakë pas 9 vitesh mungesë, dha lajmin se çifti i shkrimtarëve kishin zgjedhur përfundimisht Shqipërinë për të jetuar. 

E lodhur nga jeta në Paris, i cili humbi shkëlqimin prej kufizimeve të pandemisë, autorja tregoi se tashmë e ndan jetën mes Tiranës dhe Durrësit. Qytetin bregdetar e ka zgjedhur si vendstrehim pikërisht në këto ditë vape përvëluese.

M.B.

/portali DurresLajm/

Video: 
Na bëni like në facebook!: 

Lajme nga e njëjta kategori

Me rastin e 100-vjetorit të lindjes së kantautorit napoletan, Sergio Bruni është organizuar në amfiteatrin e Durrësit koncerti "Canta Nap

Mëngjesin e sotëm është ndarë nga jeta në moshën 67-vjeçare poeti dhe kineasti i njohur Petrit Ruka.

Kjo është Suela Caka, nxënësja e talentuar 14-vjeçare, që po spikat mes moshatarëve për talentin në pikturë, në punimet me akurel.

Mbrëmjen e së shtunës hapi siparin panairi i librit në Durrës, i cili do të qëndrojë i hapur deri më 8 korrik.

Nga Pol Milo

(Persiatje mbi romanin "Varret" të shkrimtarit Erjon Muça)

Violinistja shqiptare Ervis Gega-Dodi ka marrë drejtimin e Filarmonisë Klasike të Bonit në Gjermani, detyrë e cila i është besuar vetëm p

Orkestra Frymore e Durrësit mbajti ditën e djeshme një koncert festiv me marshe dhe pjesë të zgjedhura nga kompozitorë shqiptarë dhe të h

Fëmijët e Durrësit kanë krijuar një atmosferë të jashtëzakonshme në natën e parë të "Festivalit Kombëtar të Teatrit për Fëmijë" në Berat.

Mbrëmjen e së premtes, shoqata "Durrësi Autokton" organizoi "Festë Deti 2021", e cila startoi me xhiron tradicionale me anije në portin e